الأحد، 16 يونيو 2013

حاسة
حاسة ﺇنى فراشة طايرة
حاسة ﺇنى عايزة أكلم كل الناس
عايزة أعرف حكاية كل واحد فيهم
مش عايزة تانى أخاف

عايزة أعمل كل حاجة نفسى فيها من زمان
حاسة ﺇنى ممكن أبقى كل حاجة عايزة أكونها
حتى لو مستحيلة أنا قادرة ﺇنى أطولها

حاسة ﺇنى عايزة أرقص
عايزة أجرى 
عايزة يمكن أفضل ألف ودور

حاسة ﺇنى عايزة أغنى
عايزة أكتب  عايزة ألف
عايزة الدنيا تبقى نور

حاسة مفيش عتمة ولا فيه حزن ولاهموم
عارفة ﺇن دى سكرة          ﺇن ده عرض مؤقت   ﺇن السعادة مش هتدوم
بس مش هاممنى حاجة
أنا عايزة سعادة ولو بس ليلة    لو بس يوم
هطير مع العصافير وأغرد أنا والبلابل سوا
لحد ما يختفى بدر قلبى
ويرجع تانى زمن الخسوف.



 رضوى
17\6\2013

هناك تعليقان (2):

  1. حلو اوى كلمة عرض مؤقت دى

    وعشان هو عرض مؤقت استغلى كل لحظه فيه

    استغليه وافرحى وحسى الحياه واستطعميها

    عشان كتير اوى مبنكنش لاقيين ليها طعم

    ردحذف
  2. لحد ما يختفى بدر قلبى
    ويرجع تانى زمن الخسوف
    سطرين الاكتئاب دول .... ضيعوا حلاوة القصيد كلها
    كان ممكن نختمها بأمل او بفرحه

    ردحذف